Хамнеи: Иднината на Иран не зависи од нуклеарните преговори

Од:

Врховниот лидер на Иран, ајатолахот Али Хамнеи денеска изјави дека иднината на земјата не треба да се врзува со успехот или неуспехот на нуклеарните преговори со светските сили.

Хамнеи, кој го има последниот збор за сите државни прашања, меѓу другото рече дека преговорите за заживување на нуклеарниот договор од 2015 година „одат добро“.

– Апсолутно не ги чекајте нуклеарните преговори за да го планирате напредокот на нашата земја. Не дозволувајте вашата работа да биде попречена без разлика дали преговорите ќе постигнат позитивни, полупозитивни или негативни резултати“, рече Хамнеи на собир на високи ирански државни функционери.

САД и Иран меѓусебно се обвинуваат за недостиг на „политичка волја“ за решавање на преостанатите спорни прашања кои го попречуваат постигнувањето договор за заживување на нуклеарниот договор од 2015 година.

Извор: МИА

Би можело да ве интересира

Кина, Русија и Иран почнаа со поморски вежби, Москва испрати бродови на Северната флота

Ана Ололовска

11 загинати, 3.500 повредени на фестивалот на огнот во Иран

Горан Наумовски

Дисидент исчезна пред две години во Турција, денеска во Иран беше потврдена неговата смртна казна

Ана Ололовска

Од ноември до март во иранските училишта се отруени повеќе од 5.000 ученици

Пријавени се нови случаи на труење на ученички од Иран кои протестираа против режимот

Прво откритие на литиум во Иран