Франција денеска ја поддржа идејата за создавање тампон зона меѓу Турција и Сирија, со цел да се заштити локалното население, соопшти кабинетот на францускиот претседател Франсоа Оланд.
– Претседателот изрази неопходност од спречување на ѕверствата во северниот дел на Сирија. Тој ја поддржи идејата предложена од турскиот колега Реџеп Тајип Ердоган за создавање тампон зона меѓу Сирија и Турција, која ќе ги прифати и заштити раселените лица, се наведува во соопштението.
Во текстот се додава дека двете страни имаат заеднички став и за потребата да и биде укажана дополнителна помош на умерената сириска опозиција во борбата против сирискиот претседател Башар ал Асад и џихадистичката група Исламска држава (ИД).