Франција и ги врати на Русија сите пари за неиспорачување на двата носачи на хеликоптери „Мистрал“, а сумата изнесува 900 милиони евра, изјави висок претставник на Федералната служба за воено-техничка соработка на Русија.
Париз денеска официјално соопшти дека на Москва и уплатил средства за неиспорачувањето на бродовите „мистрал“, која во моментот на раскинувањето на договорот веќе имала платено 800 милиони евра.
Според високиот претставник, разликата во сумата претставува компензација за парите кои се платени за конструкторските работи за изработка на хеликоптерот К-52К, за одржување на специјалните обуки за управување со бродовите и изградбата на специјалното пристаниште за бродовите во Владивосток.