Небензја: Русија ќе бара меѓународно признавање на нацистичките злосторства во СССР

Од:

Русија ќе бара официјално меѓународно признавање на вистинската природа на злосторствата на нацистичка Германија против народите на СССР, изјави денеска постојаниот претставник на Русија во ОН Василиј Небензја.

На прашањето на РИА Новости дали Русија планира да поднесе до Генералното собрание на ОН резолуција за геноцидот врз советскиот народ за време на Втората светска војна, тој одговори дека „усвојувањето на резолуцијата за Сребреница (во Генералното собрание на ОН во мај) стана преседан, што секако ќе влијае на понатамошни дискусии за признавање на други историски трагедии како акти на геноцид“.

Тој потсети дека еден од „главните спонзори на овој контроверзен документ била Германија“. Небензја истакна дека Руската Федерација отсекогаш придавала големо значење на зачувувањето на историската меморија и враќањето на правдата за оние кои настрадале во Втората светска војна.

„Злосторствата на нацистичка Германија против народот на Советскиот Сојуз, вклучително и блокадата на Ленинград и масовното уништување на цивили, остануваат една од најболните теми. Ќе продолжиме да ги користиме сите расположливи средства за да бараме официјално признавање на вистинската природа на овие злосторства и враќање на историската вистина на меѓународно ниво“, нагласи Небензја.

Би можело да ве интересира

Русија го нападна Киев со беспилотни летала

Русија осуди американски новинар: 16 години затвор

Русија за обидот за атентат на Трамп: САД поттикнуваат омраза кон политичките противници

(ВИДЕО) Руски авион Суперџет се урна во Подмосковље, загинаа сите членови на екипажот

За одбрана од Русија, на НАТО му требаат меѓу 35 и 50 бригади

Горан Наумовски

Кремљ: Ердоган не може да биде посредник во разговорите меѓу Русија и Украина