Како што пренесуваат медиумите, жените борци од курдска националност играат голема улога во одбрана на градот Кобане од припадниците на ИСИС.
Деветнаесетгодишната Первин Кобани, ќерка на еден фармер е една од тие борци и е дел од тимот кој го држи источниот дел од фронтот во одбрана од екстремистите, а пред неколку недели на еден уличен агол налетала на својот татко.
Според наводите таа се изненадила кога видела дека и тој има оружје во рацете, бидејќи не знаела дека одлучил да се бори, затоа што мајка и побегнала во Турција, а брат и е на студии во Алжир.
– Горда сум што и мојот татко се бори против исламистите, тоа ми дава сила да се борам уште повеќе. Тој ми е пред се соборец, но кога го прегрнувам го прегрнувам како татко- вели Первин која минатата недела заминала да се сретне со него.
Первин и нејзиниот татко, како и сите нивни соборци, цврсто одлучиле да не попуштат пред налетите на исламските екстремисти.
Таа вели дека нејзината желба е да живее слободно и нормално и додава дека ќе го брани својот град до последната капка крв.
Е. Г.