Претседателката на Европската комисија, Урсула фон дер Лајен, денес изјави дека Европската Унија е подготвена да воведе санкции против рускиот претседател Владимир Путин истовремено со САД, со цел да изврши притисок врз него во мировните преговори.
„Разговаравме како можеме да ги примениме европските и американските санкции против Путин истовремено ако тој не дојде на преговарачката маса“, рече таа, според Политико.
ЕУ во моментов го подготвува својот 18-ти пакет санкции против Русија, а според фон дер Лајен, фокусот е на рускиот енергетски сектор и прекинувањето на руските извори на финансирање.