ЕУ мора да продолжи да врши притисок врз Русија поради нејзините постапки во украинската криза, бидејќи санкциите имаат резултат, изјави британскиот секретар за одбрана Мајкл Фелон.
Амбасадорите на ЕУ на почетокот на неделата го одложија воведувањето на нов пакет санкции кон Русија со цел да се види дали прекинот на огнот во Украина ќе биде почитуван.
Фелон, кој учествува на средба на министрите за одбрана на ЕУ во Италија посветена на кризите во Украина, Ирак и Либија, изјави дека ЕУ мора да остане одлучна во однос на санкциите.