ФБИ на оглас бара руски шпиони

Од:

На подрачјето на градот Вашингтон, Федералното истражно биро на САД (ФБИ) објавува огласи на Фејсбук кои се чини дека се дизајнирани да регрутираат руски шпиони, како и оние што се запознати со нивните активности, објави Си-Ен-Ен.

Новинарите на Си-Ен-Ен забележале неколку реклами за таа цел. Една содржи фотографија од млада женска дипломатка со семејството, а покрај неа, на руски јазик пишува: За твојата иднина, за иднината на твоето семејство.

На друг оглас е прикажана фотографија од шаховска плоча со текст на руски јазик: Зарем сега не е на тебе ред да повцлечеш потег?

Огласите водат до страницата на канцеларијата на ФБИ Вашингтон, каде на англиски и руски јазик се дадени детали за тимот за контраразузнавање и адреса на теренската канцеларија на ФБИ. На страницата пишува: „Посетете нè лично“.

– Можеме само да коментираме дека Русија има голем број разузнавачки службеници стационирани во руските дипломатски објекти низ целиот свет. Тие се многу активни и претставуваат ризик за безбедноста на САД и нашите сојузници, изјави за Си-Ен-Ен Алан Е. Колер, агент на ФБИ, задолжен за контраразузнавачкиот оддел во Вашингтон.

– ФБИ користи разни средства за да собере информации што можат да помогнат во заштитата на САД, додаде Колер.

Би можело да ве интересира

ФБИ: Кина е најголема закана за владеење на правото во САД

Драган Поповски

ФБИ отвори истрага за несреќата на хеликоптерот во кој загина Коби Брајант

Ана Ололовска

Словенечки медиум: ФБИ истражува сомнеж за перење на ирански пари во Словенија

А1он

Поранешен шеф на ФБИ призна за „пропусти“ на почетокт на руската истрага

Ана Ололовска

Трамп вели дека Вреј не може да ја поправи состојбата во ФБИ по критичкиот извештај

Ова се најбараните бегалци на светот: На листата се терористи и наркобосови

Ана Ололовска