Агентите на ФБИ ги запленија телефоните и електронските уреди на градоначалникот на Њујорк, Ерик Адамс, како дел од федералната истрага за финансирањето на неговата кампања, изјави неговиот адвокат. Одземените предмети се поврзани со истрага за корупција за да се утврди дали Адамс заговарал со турските државјани во кампањата за градоначалник на Њујорк во 2021 година.
Федералната истрага за кампањата на Адамс стана јавнo позната минатата недела кога агенти на ФБИ упаднаа во домот на собирачот на средства за неговата кампања, 25-годишната приправничка Брајана Сагс, каде што запленија компјутери, мобилни телефони и папка со ознака „Ерик Адамс“.
Минатата недела, по претресот, градоначалникот ненадејно го напушти Вашингтон, каде што требаше да се сретне со лидерите на Белата куќа и конгресот во врска со приливот на мигранти во неговиот град, и се врати во Њујорк. Адамс во изјавата рече дека нема „ништо да крие“ и дека ќе продолжи да соработува во истрагата.
„Њујорк тајмс“ пишува дека претресот во домот на Сугс бил со цел да се пронајдат докази во кој учествувале изборниот штаб на градоначалникот, турската влада и градежна компанија.