Трамп ги предупреди Американците: Внимавајте, ФБИ ви испраќа тајни шпиони

Од:

Доналд Трамп ги предупреди Американците за „тајните шпиони“ кои според него ги испраќа ФБИ да ги прогонуваат христијаните.

Поранешниот претседател објави видео на својот профил „Truth Social“ со натпис „Стоп за прогонот на христијаните!“.

Во неговата објава на социјалната мрежа се наведува дека ФБИ и Министерството за правда (DOJ) усвоиле антихристијанска мерка и испраќаат агенти во црквите како дел од наводниот „заговор“.

„Под корумпираниот Џо Бајден, христијаните и верните Американци се прогонувани како што оваа нација не видела досега“, рече Трамп во видеото.

„Католиците се особено мета, а евангелистите секако се на списокот за следење. Во текот на изминатите три години, администрацијата на Бајден испрати SWAT тимови да апсат активисти кои се залагаат за живот. ФБИ беше фатено како ги профилира побожните католици како можни домашни терористи и планира да испрати тајни шпиони во католичките цркви, исто како во старите денови на Советскиот Сојуз“, изјави Трамп.

Коментарите на Трамп се однесуваат на објавен документ на ФБИ претходно оваа година, кој покажува дека канцеларијата на бирото во Ричмонд, Вирџинија, ги предупредила агентите за екстремистичката закана од „радикалните традиционалистички католици“ (РТЦ), за кои ФБИ рече дека се мало малцинство во Католичката црква.

Меморандумот, во кој се вели дека ФБИ констатира „сè поголемо преклопување“ меѓу националистичкото движење и РТЦ, предизвика бес кај републиканците кои ја обвинија федералната влада за верски прогон.

Бирото го отстрани белешката од својот систем набргу откако беше објавено во февруари дека документот постои, велејќи дека не ги исполнува „построгите стандарди на ФБИ“.

„Католици, не можете да гласате за демократите. Не смеете ни да помислите да гласате за Бајден. Тоа што ви го прават е шокантно“, рече Трамп.

Би можело да ве интересира

Њујорк: Избрани 12 поротници за судењето на Трамп

Судењето на Трамп продолжи, една поротничка се откажа: „Се чувствувам заплашено“

Шест поротници се избрани за судењето на Доналд Трамп

Започнува судењето на Трамп, првото судење на американски претседател во историјата

Планот на Трамп за Украина ќе започне со притисок врз Москва и Киев да преговараат

Горан Наумовски

Трамп: Врховниот суд на Аризона отиде предалеку со својата одлука за абортус