Еден човек од Јута е застрелан за време на рација на ФБИ во средата рано наутро, потврди ФБИ.
Рацијата се одржа во врска со истрагата за наводни закани кон претседателот Џо Бајден и други политички функционери, известија двајца функционери запознаени со случајот. Еден од официјалните лица изјави за ABC News дека истрагата започнала во април и дека ФБИ ја известила американската тајна служба во јуни. Покрај заканувачките објави, човекот кој бил под истрага на интернет сугерирал, според функционерот, дека планирал да преземе и физичка акција.
Заканите беа оценети како „веродостојни“, а ФБИ во Солт Лејк Сити соопшти дека пукањето се случило околу 6:15 часот по локално време додека специјалните агенти се обиделе да издадат налог за апсење и претрес во куќата во градот Прово.
– ФБИ многу сериозно ги сфаќа сите инциденти со пукање во кои се вклучени наши агенти или членови на работната група. Во согласност со политиката на ФБИ, инцидентот со пукањето е под контрола на нашиот истражен оддел. Бидејќи истрагата е во тек, не можеме да откриеме повеќе детали – се вели во соопштението на ФБИ.