Европа ја очекува многу топло лето оваа година

Од:

Метеоролошкиот сервис „Аку ведер“ објави прогноза за претстојното лето, според која, во Европа ќе биде многу топло, па на некои делови од континентот им се закануваат големи суши, силни бури и шумски пожари.

– Се очекуваат долги периоди со температури меѓу 30 и 40 Целзиусови степени, но и над 40 степени, изјави метеорологот Тајлер Ројс од „Аку ведер“.

Никаде во Европа не се очекуваат подолги периоди со дожд, што ќе ги доведе земјоделците во неповолна положба. Најпогодени ќе бидат посевите со пченица, пченка, сончоглед и шеќерна репка, предвидуваат метеоролозите.

Пролетта во Шпанија и Португалија забележа огромни количества врнежи од дожд за овој период од годината, но летото ќе биде целосно или главно суво.

Бујната вегетација во текот на пролетта и долгите топли периоди ќе создадат услови за појава на големи и катастрофални пожари на ова подрачје.

На териториите од северниот дел на Франција до северниот дел на Полска можни се силни бури.

Централна и северна Франција, Германија и Данска се наоѓаат на граница на топла и сува јужна зона и студени воздушни струи кои пристигнуваат од север. Токму на тие подрачја им се закануваат силни бури проследени со град, ветрови, поплави, па дури и торнада, предупредува „Аку Ведер“.

Би можело да ве интересира

Сончево со мала до умерена облачност

Ана Ололовска

Променливо време за претстојниот празничен викенд

Ана Ололовска

Сончево и потопло со мала до умерена облачност

Ана Ололовска

Променливо облачно со сончеви периоди

Ана Ололовска

Ерменските авиокомпании додадени на црната листа на ЕУ

Ана Ололовска

Потопло време, но и поројни дождови, грмежи и засилен ветер

Ана Ололовска