Британската полиција попладнево на кусо ги евакуира вработените и посетителите од трговскиот центар „Вестфилд“ во близина на Олимпискиот парк во Лондон.
Полицијата инфомира дека евакуацијата во овој најголем трговски центар во Европа била спроведена откако се активирал противпожарниот аларм во еден ресторан. При евакуацијата стотици лица беа изведени на улицата пред трговскит центар.
Неколку минути подоцна, откако било утврдено дека станува збор за лажен аларм, полицијата ги информирала вработените и посетителите дека можат да се вратат во објектот.
Евакуацијата е спроведена на само еден ден пред почетокот на Летните олимписки игри во Лондон, чие свечеено отворање ќе се одржи утре вечер.