ЕУ со осуда за случувањата во Вароша

Од:

Европската Унија се огласи денеска по последните случувања во градот Вароша во Кипар и ги осуди изјавите на турскиот претседател, Реџеп Таип Ердоган како и на лидерот на турско-кипарската заедница.

Изјавите и мерките околу градот Вароша од страна на Турција се спротивни на меѓународното право, изјави Европската Унија преку својата дипломатска служба.

-ЕУ повикува веднаш да се отповикаат дејствата и чекорите преземени околу Вароша од октомври 2020. ЕУ продолжува да се води од резолуциите на Советот за безбедност на Обединетите Нации во однос на Вароша, стои во реакцијата на ЕУ.

Таа смета дека е неприфатлив секаков обид да се населат делови од градот со други лица освен мештаните.

-Никакви мерки не треба да се преземаат во однос на Вароша што не се во согласност со резолуциите на ОН. Целосно почитување и спроведување на резолуциите на Советот за безбедност на ОН исто така значат веднаш да се стави крај на рестрикциите воведени врз слободата на движење на мировната мисија на ОН во Кипар, повикува Брисел.

За ЕУ неприфатливи се еднострани чекори спротивни на меѓународното право и тие се сметаат за провокации што ќе ги зголемат тензиите на островот и ќе ги загрозат напорите за изнаоѓање на решение за кипарското прашање.

-ЕУ оставена посветена на сеопфатно решение за кипарскиот проблем врз основа на федерација со две зони и две заедници со политичка еднаквост, стои во реакцијата на ЕУ, и се додава дека се очекува од Турција да се посвети на преговорите за изнаоѓање компромис.

Прашањето ќе биде на масата на идниот инистерски совет на ЕУ доколку до тогаш Турција не го смени своето однесување.

Би можело да ве интересира

ЕУ и ОБСЕ бараат истрага за злоупотреба на власта во аферата со шефот на Агенцијата за разузнавање на БиХ

А1он

Димитров-Матуела: Македонија е подготвена за почеток на пристапните преговори со ЕУ

А1он

ФТ: Се очекува САД да ги олеснат мерките за вакцинираните кои пристигнуваат од Велика Британија и ЕУ

А1он

ЕУ не верува во регуларноста на изборите во Русија

А1он

Европратеници пристигнуваат во Бугарија поради слободата на медиумите и корупцијата

А1он

Франција најверојатно нема да даде согласност за договорот ЕУ-Австралија, тврди „Политико“

А1он