Во Софија денеска ќе биде одржана седница на Комитетот на министри за надворешни работи на Советот на Европа, на која Бугарија официјачно ќе и го предаде на Естонија претседавањето со оваа паневропска организација.
Советот на Европа соопшти дека главни теми на состанокот ќе бидат демократската безбедност на сите во Европа во денешните тешки времиња, обезбедување на долгорочна ефикасност на системот, почитувањето на Европската конвенција за човекови права, политиката на орагнизацијата кон соседните региони и нејзината соработка со ЕУ.
На крајот на седнцата бугарскиот министер за надворешни работи Даниел Митов ќе го предаде претседавањето со Советот на Европа за следните шест месеци на шефицата на дипломатијата на Естонија Марина Каљуранд, која ќе ги претстави приоритетите на нејзината земја за време на претседавањето.