Естонија, земјата која на 1 јули за првпат го презема претседавањето со Европската Унија, се противи на финансиското казнување на источните членки на ЕУ заради одбивањето да примат бегелци, бидејќи таа одлука повеќе ја дели Европа отколку што ја обединува, смета министерот за внатрешни работи Андрес Анвелт.
Европската комсија вчера одлучи да почне прекршочна постапка против Унгарија, Полска и Чешка заради неисполнување на обврските за прифат на бегалци.
-Никакво казнување од буџетот или некакви финансиски казни не се добри затоа што ние Европа ја сфаќаме како семејство на многу различни земји, рече Анвелт за брутанските медиуми.
Тој кажа дека Европа треба да гледа во иднината и дека евентуалното излегување на уште некоја членка ќе ја ослабне ЕУ.
Естонија, која има 1,3 милиона жители, членка на ЕУ стана во 2004 година.
Во фокусот на нејзиното прво претседателствување со ЕУ ќе биде прашањето на миграцијата, а според Анвелт, Естонија ќе се фокусира и на натамошното зајакнување на надворешните граници на ЕУ.