Единствената електрична централа во Газа од денеска не работи бидејќи нема гориво, изјави директорот на електродистрибуција Самир Метир.
– Залихите гориво купени со пари од Катар и Турција се целосно исцрпени, изјави тој. Следното купување е предмет на „спор меѓу управата за енергетика во Газа и управата за нафта во Рамала за данокот на индустриско гориво воведен од централната влада во Рамала“.
Хамас со сила презеде власт во газа пред 10 години и во спор е со палестинскиите власти со седиште во Рамала на Западниот брег. Централата е делумно оштетена од војните во Израел, а жителите на Газа обично имаат само две фази струја осум часа дневно.
– Со запирањето на работата, ќе имаат двапати по шест часа дневно, а можеби и помалку, изјави Метир и објасни дека тоа би била струја купена од Израел и Египет. Министерството за здравство во Газа предупреди на опасни последици за болниците поради затворањето на централата.