Бени Ганц, член на воениот кабинет на Нетанјаху, најави оставка

Од:

Бени Ганц, еден од тројцата членови на воениот кабинет на Израел, денеска најави дека ќе поднесе оставка, објавија светските новински агенции.

Овој потег не претставува директна закана за премиерот Бенјамин Нетанјаху, кој сè уште ја контролира мнозинската коалиција во парламентот, иако се повеќе се потпира на неговите екстремно десничарски сојузници.

Ганц, министер без ресор и лидер на центристичката партија Национална унија, е дел од воениот кабинет формиран по нападот на Хамас на израелска територија на 7 октомври.

Неговото присуство го зголеми кредибилитетот на Израел кај меѓународните партнери, бидејќи Ганц има добри работни односи со американските официјални лица.

Ганц се смета за фаворит за формирање нова владејачка коалиција во случај на пад на владата на Нетанјаху и предвремени избори. Пред неколку дена Ганц изјави дека враќањето на заложниците од Газа е „приоритет“.

Би можело да ве интересира

(ВИДЕО) Три лица загинаа, а 87 се ранети во големите израелски напади во градот Ходеида

ВИДЕО: Голема експлозија по напад со дрон во Тел Авив, една жртва и 10 се повредени

ЦИА: Лидерот на Хамас Јахја Синвар е под притисок да прифати договор со Израел

Хамас се повлекува од преговорите за примирје во Газа

(ВИДЕО) Ердоган: Нема соработка на НАТО со Израел додека нема мир во Палестина

Палестинците имаат право на држава вели новиот британски премиер