Според извештајот на францускиот Сенат, речиси половина од џихадисти од Европа, за кои се знае дека војуваат во Сирија и Ирак се од Франција.
Како што пренесе „Франс прес“ на територијата на Исламска држава има повеќе од 1.430 Французи.
Сенаторот Жан Пјер Сијера кој ја водел истрагата за џихадистичката мрежа, вели дека разузнавачките служби моментало следат повеќе од 3.000 лица, за кои постои сомневање дека биле вклучени во мрежата, што е за 24 проценти повеќе во однос на ноември минатата година.
Се проценува дека околу 85 лица од француска националност загинале на територии на ИСИС и дека околу 200 се упатиле назад во Франција.
Сенаторот исто така соопштил дека 152 радикални исламисти се наоѓаат во француските затвори.
Е.Г.