Франција: Едно лице загина, а неколку се повредени во Мулхаус, Макрон тврди дека станува збор за „исламистички тероризам“

Едно лице загина, а двајца полицајци се тешко повредени во напад со нож за време на демонстрациите во источна Франција.

Следете a1on на Instagram

Тројца други полицајци беа полесно ранети кога маж нападна локални полицајци во градот Мулхаус, извикувајќи „Алаху Акбар“, соопшти канцеларијата на антитерористичкото обвинителство (ПНАТ).

Францускиот претседател Емануел Макрон рече дека тоа е „без никакво сомневање акт на исламистички тероризам“.

Случаен минувач е убиен во обид да интервенира. Осомничениот напаѓач, кој е уапсен, е на списокот за следење за спречување тероризам, изјави обвинителот Николас Хајц за АФП.

Следете a1on на Youtube

🇫🇷 ALERTE – Un homme vient de poignarder plusieurs personnes sur le marché de #Mulhouse. Intervention des forces de l’ordre en cours. pic.twitter.com/mPXATNjNg4

— Le Fil d’Info (@LeFildInfo) February 22, 2025

Списокот собира податоци за луѓе од различни власти за да се спречи терористичка радикализација.

Полицијата воспостави безбедносен периметар по нападот, кој се случи непосредно пред 16 часот за време на демонстрациите за поддршка на Конго.

Осомничениот е Алжирец и е под судски надзор и домашен притвор, а е и под наредба за протерување од Франција.

„Ужасот го зафати нашиот град“, рече на Фејсбук градоначалничката на Мулхаус, Мишел Луц.

Инцидентот се истражува како терористички напад.