Европската Унија мора да биде вклучена во преговорите со Русија за ставање крај на војната во Украина со цел да се направи мапа на идната европска безбедносна архитектура, изјави денеска претседателот на Европскиот совет Антонио Koшта.
„Не се работи само за Украина. „Во преговорите за нова безбедносна архитектура, треба да земеме предвид дека Русија претставува глобална закана, а не само закана за Украина“, рече Кошта во интервју за „Фајненшл тајмс“ пред итниот состанок на европските лидери во Париз, на кој ќе се разговара за ситуацијата во Украина.
Тој нагласи дека „Европа треба да биде клучен играч во дизајнирањето нова безбедносна архитектура“ доколку американскиот претседател Доналд Трамп „навистина сака Европејците да преземат поголема одговорност за сопствената безбедност“.