Медиумите во Мјанмар објавија дека во последните дводневни судири меѓу будистите и муслиманите во Мандалај, вториот по големина град во Мјанмар, загинале најмалку двајца од учесниците, а шестмина, меѓу кои и еден полицаец се ранети.
Судирите избиле откако во понеделникот во градот се рашири вест за силување на жена будистка во продавница сопственост на муслиман.
Полицијата, која за да ги спречи судирите употребила оружје со гумени куршуми, не ги потврдува извештаите, но во градот се испратени дополнителни полициски сили, бидејки се стравува дека судирите ќе ескалираат.
Отворените судири меѓу будистите и муслиманите започнаа во 2012 година, кога во Мандалај, во јуни, загинаа над 200 лица.