Портпарол на аеродромите во Дубаи изјави дека околу пладне два лета беа пренасочени поради сомнителна активност на беспилотно летало.
Според извештаите, два авиона на авиокомпанијата „Емирати“ кои се очекуваше да слетаат на аеродромот беа пренасочени.
“Емирати можат да потврдат дека денес, недела, Меѓународниот аеродром во Дубаи беше затворен од 12.36 часот до 12.51 часот по локално време, поради сомнителна активност на беспилотни летала во околниот воздушен простор, рече портпаролот на „Емирати“, и додаде дека операциите се вратиле во нормала.
Претходно бунтовниците од движењето „Ансал Алах“ (Хутите) се заканија дека ќе ги нападнат најголемите градови во Обединетите Арапски Емирати, Дубаи и Абу Даби, по нападот со беспилотни летала на нафтени постројки во Саудиска Арабија.
Веста доаѓа во услови на тензии во регионот, откако две беспилотни летала ги нападнаа нафтените постројки „Сауди Арамко“ на 14 септември, предизвикувајќи голем пожар и делумно го нарушија производството на нафта. Одговорност за инцидентот преземаа Јеменските Хути, но САД вината ја ставаа врз Иран. Техеран силно ги негираше сите обвинувања.