Авион на Јунајтед ерлајнс кој летал од Лос Анџелес за Кина бил принуден да се врати во САД два часа по полетувањето, откако било откриено дека еден од пилотите не носел пасош.
Авионот со 257 патници и 13 членови на екипажот полетал од меѓународниот аеродром во Лос Анџелес во 14 часот во саботата по локално време и се упати кон северозапад. Планот беше да се прелета преку Тихиот Океан до Шангај.
Меѓутоа, два часа подоцна, авионот се свртел и се упатил кон Сан Франциско, каде што слетал околу 17 часот, пишува порталот FlightAware.
– Договоривме нова екипа која ќе ги однесе патниците до нивната дестинација таа вечер. Патниците добија ваучери за оброци и компензација“, соопшти авиокомпанијата.
Новиот екипаж полетал околу 21 часот и слетал во Шангај околу шест часа подоцна.