Во Шкотска, во областа Аргила и островот Бјут, првпат во Велика Британија се користат дронови за пренесување примероци и тестови на Ковид-19 и друг медицински материјал.
Би Би Си објави дека по тестирањето во текот на минатата година, овој проект е проширен, а медицинскиот товар сега се превезува на далечина од 64 километри и персоналот на Националната здравствена служба моментно располага со испорака со дронови, прва од таков вид во Велика Британија.
Беспилотните летала можат да носат корисен товар до три килограми и побрзо го пренесуваат отколку што тоа би можело да се направи по пат на копнен или воздушен сообраќај во овој дел на Шкотска. Операторот на дронови „Скајпортс“ ја доби дозволата од Упаравата за цивилно воздухопловство за овие летови.