Поранешната шкотска премиерка, Никола Старџен, изјави дека е невина откако беше уапсена и задржана повеќе од седум часа како дел од полициската истрага за финансирањето на нејзината Шкотска национална партија (СНП) што се залага за независност.
STATEMENT pic.twitter.com/MlpWJGzwi0
— Nicola Sturgeon (@NicolaSturgeon) June 11, 2023
Полицијата истражува што се случи со повеќе од 600.000 фунти собрани од шкотските активисти за независност во 2017 година, кои требаше да бидат искористени за каузата. Апсењето е длабоко срамно за СНП, која доминираше во шкотската политика во последните две децении. Старџен поднесе оставка претходно оваа година, а поддршката за нејзината партија и движењето за независност оттогаш е намалена.
„Да се најдам во ситуацијата во која се најдов денес – и сигурна сум дека не сум направила никаков прекршок – е шок и длабоко вознемирувачко. Никогаш не би направила нешто што ќе и наштети на СНП или на земјата“, рече таа во соопштението објавено на социјалната мрежа Твитер.
„Поради природата на постапката, не можам да ги споделам деталите. Сепак, сакам да го кажам ова. Без сомнение знам дека сум невина за какво било престапување“, додаде таа.