Маж од Британија е осуден на најмалку 20 години затвор затоа што ја убил својата бремена сопруга туркајќи ја од карпа висока 50 метри во Единбург, каде вообичаено се фотографираат туристи. 29-годишниот Кашиф Анвар е обвинет за убиство на 31-годишната Фавзија Џавед, која падна од карпа на Arthur’s Seat додека биле на одмор во септември 2021 година.
Додека лежела умирајќи, Џавед, која по потекло е од Јоркшир, му кажала на полицаецот дека нејзиниот сопруг ја турнал. Анвар тврдел дека се лизнал и ја удрил сопругата. Поротата на Високиот суд во Единбург ја отфрли таа одбрана и го прогласи за виновен за убиство на Џавед, која била бремена во 17 недела, а исто така беше обвинет и за предизвикување смрт на нејзиното неродено дете.
Анвар, кој е од Пудси во близина на Лидс, беше осуден на доживотен затвор со минимална казна од 20 години. Судијата Лорд Бекет му рекол дека неговата сопруга имала право на негова заштита и дека тој е виновен за „злобно злосторство“.
„Ти не покажа никакво каење и не се обиде да ја спасиш“, му рекол судијата, пренесе Би-би-си.