Неидентификуван дрон денеска прелета над руската амбасада во Стокхолм, фрлајќи боја на дворот на дипломатскиот комплекс, соопшти шведската полиција.
Засега никој не е уапсен, а сторителите не се идентификувани, додаде портпаролот на полицијата, пренесе Ројтерс.
– Инсистираме темелно и непристрасно да се истражат сите инциденти против руската амбасада и сторителите да бидат пронајдени и изведени пред лицето на правдата – се наведува во соопштението на руската амбасада во Шведска.