Американската актерка Анџелина Џоли уплати 200 илјади долари во хуманитарното здружение за финансирање школување девојки „Малала фондација“.
Џоли изјави дека Малала Јусафзаи ќе ја води фондацијата која е наречена по неа.
Девојчето изјави дека тоа е најсреќен ден во нејзиниот живот. Здружението ќе финансира едукација на 40 пакистански девојки.
– Ве повикувам сите да ја поддржите фондацијата и да ни помогнете бразование за 40 девојки да претвориме во образование за 40 милиони, изјави Малала, пренесува Би-Би-Си.
Талибанците пукаа во Малала во октомври лани бидејќи се залагаше за школување на девојки. Таа моментно оди на училиште во Бирмингам во Англија и каде се опоравува од повредите и неколкуте операции. Таа потпиша и договор вреден три милиони долари за книга мемоари Јас сум Малала која ќе излезе наесен.