Цените на нафтата над 108 долари, во фокус намалените испораки од Русија и Либија

Од:

Цените на нафтата денеска се искачија над 108 долари на меѓународните пазари, откако разговорите во ЕУ за забрана на увозот на руска нафта и прекините во снабдувањето од Либија ја засенија загриженоста за економскиот раст и побарувачката за енергенси.

dobivaj vesti na viber

На лондонскиот пазар цената на барелот порасна за 1,58 долари во однос на претходното затворање и изнесуваше 108,38 долари. На американскиот пазар со барел се тргуваше за 1,64 долари повисоко, по 103,83 долари.

Цените речиси стагнираа вчера, бидејќи трговците беа загрижени поради Меѓународниот монетарен фонд (ММФ), кој во вторникот ја намали прогнозата за светскиот економски раст оваа година за речиси цел процентен поен на 3,6 отсто поради војната во Украина. Послабиот економски раст значи и помала побарувачка за енергенси.

Денеска на пазарот преовладуваше загриженоста за снабдувањето, во време на разговори во ЕУ за забрана на увоз на руска нафта. Трговците се претпазливи за руските барели поради проблемите со транспортот и плаќањето, откако Западот воведе санкции кон Русија поради нејзината инвазија на Украина.

Либија, пак, оваа недела објави дека нејзиното производство е намалено за повеќе од 550.000 барели нафта дневно поради блокадите на големи полиња и извозните терминали.

Извор: МИА

Би можело да ве интересира

Поранешен руски градоначалник поставен на чело на окупираните територии во областа Харков

А1он

Финска тврди дека руски авиони влегле во нејзиниот воздушен простор

Катерина Павлова-Николовска

Повторно расте цената на нафтата на светските берзи

Рускиот бизнисмен, жесток критичар на Путин пронајден мртов во Њујорк

А1он

Од утре поскапува дизелот

Горан Наумовски

Русија предупредува: Радиоактивноста може да ги покрие Полска, Германија и Словенија

А1он