Бројот на лица кои починаа како последица на инфицираност со вирусот на еболата надмина 2.400, додека во исто време се регистриани вкупно 4.784 луѓе заболени од оваа болест, соопшти денеска Светската здравствена организација (СЗО).
– Бројот на смртните случаи од ебола расте побрзо од темпото на зголемувањето на способноста на властите за справување со епидемијата, изјави генералниот директор на СЗО, Маргарет Чан.
Таа воедно повика на меѓунардона поддршка за државите кои се најтешко погодени од еболата – Гвенија, Сиера Леоне и Либерија и апелираше за испраќање на медицински тимови и лекови во овие три земји.