Конфликтот во Сирија достигна “невиден степен на ужас”, оцени мировниот пратеник на ОН и Арапската лига Лахдар Брахими и ги повика ОН да преземат нешто и да ги запрат злосторствата.
Брахими пред членовите на Советот за безбедност на ОН рече дека легитимноста на сирискиот претседател Башар ал-Асад е “непоправливо уништен”, поради судирите во земјата кои траат веќе 22 месеци, но дека сепак, тој може да се одржува на власт.
“(Судирите) достигнаа досега невидено ниво на ужасо. Не се гледа крајот на оваа трагедија. Се извинувам ако звучам како расипана плоча, но земјата се распаѓа пред нашите очи. Само меѓународната заедница и, на прво место Советот за безбедност, може да помогне” нагласи Брахими.
Владата стана “порепресивна”, рече Брахими, но додаде дека и силите на Асад, но и опозицијата извршиле “подеднакво страшни злосторства.”
Брахими додаде дека е загрижен за земјите што ја опкружуваат Сирија, поради конфликтот во таа земја, во која досега загинаа најмалку 60.000 луѓе, пренесе АФП.