Комисијата која вршеше истрага за учеството на Велика Британија во војната во Ирак ги соопшти денеска деталите во извештај во кој се упатуваат остри критики кон поранешниот премиер Тони Блер и неговата влада.
Според нив, тој ја внел држават во конфликтот врз основа на погрешни разузнавачки информации. Во извештајот се вели дека Британија станала дел од коалицијата со САД во Ирак во 2003 година без пред тоа да бидат исцрпени сите можности.
Според истрагата, правната основа за акција била незадоволителна, а планирањето било целосно неадекватно.
– Сега е јасно дека политиката за Ирак била разработена врз основа на недостатоци од разузнавачките информации и анализи. Тие не биле оспорени, а требало да бидат, изјави шефот на Комисијата Џон Чилкот при претставувањерто на извештајот објавен седум години по почетокто на истрагата.