Бизарна смрт во Барселона – човек загинал барајќи си го телефонот во скулптура на диносаурус

Од:

39-годишен турист загинал под бизарни околности во Шпанија, а полицијата ги истражува деталите откако неговото тело било пронајдено заглавено во внатрешноста од картонска скулптура на диносаурус.

Како што пренесува ББЦ, двајца граѓани, татко и син, пријавиле дека нешто чудно се случува откако од скулптурата почнала да се шири силна миризба. Потоа, таткото успеал да го види телото на починатиот низ пукнатина во ногата на хартиената скулптура на стегосаурус.

Полицијата соопшти дека семејството на починатиот во изминатите денови го пријавило како исчезнат, а додаде и дека нема траги на насилство или евентуален напад.

Според изјава на портпаролката на регионалната полиција во Каталонија која ја пренесуваат локалните медиуми, починатиот човек веројатно се обидувал да го извади телефонот кој му паднал во скулптурата. Тој паднал во внатрешноста на статуата и останал да виси наопаку, без можност да повика помош.

Полицијата засега официјално не ги потврдува овие наводи и за причината на смртта упати на наодот на обдукцијата, кој треба да биде подготвен во следните денови.

Би можело да ве интересира

Шпанија со пакет мерки за поддршка на потрошувачите против поскапувањето на струјата

А1он

СВР Тетово: Приведен човек кој сакал да прегази полицајци

Ана Ололовска

Физичка пресметка на пет лица од Вевчани и Велешта поради нетрпеливост во сообраќајот

Ана Ололовска

Шпанските авиопревозници очекуваат повеќе летови оваа зима отколку пред пандемијата

А1он

Во Гостивар тепачка, полиција смирувала со истрели во воздух

Ана Ололовска

Европол: Во Шпанија откриена печатница за фалсификувани документи

Ана Ололовска