Шпанија до јули ќе ја признае Палестина

Од:

Шпанскиот премиер Педро Санчез денеска пред новинарите изјави дека Шпанија ќе ја признае независноста на Палестина до јули, а дека и другите земји ќе го сторат истото во наредните месеци, пренесе шпанската новинска агенција ЕФЕ.

Санчез е на блискоисточна турнеја, која ќе опфати посети на Јордан, Катар и Саудиска Арабија. Во текот на првиот ден, тој неформално разговараше во Аман со шпанските новинари, на кои им рече дека неговата левичарска влада има намера да ја признае Палестина во следните три месеци и дека наскоро може да се создаде „критична маса“ во рамките на Европската униј и дека и други земји би го направиле истото.

На 22 март, Санчез разговараше во Брисел со премиерите на Ирска, Словенија и Малта, кои најавија признавање на Палестина „кога ќе се создадат соодветни околности“.

Израел им порача на овие земји дека го „наградуваат тероризмот“ и дека тоа ќе ги намали шансите за преговори за ситуацијата во Појасот Газа.

Во заедничката декларација во ноември, Европската унија и арапските држави изјавија дека единственото можно решение за конфликтот е со две меѓусебно признати соседни држави. Израел го отфрла тоа решение и продолжува со окупацијата на Западниот Брег и опсадата на Појасот Газа.

Палестина досега ја признаа 139 земји во светот.

Би можело да ве интересира

Пронајдено телото на Шани Лук

Предраг Петровиќ

13 земји испратија предупредувачко писмо до Израел

Катерина Ѓуровски

(ВИДЕО) Протести во Тел Авив, се бара ослободување на заложниците: Владата нема поим што прави

ВИДЕО: „Епска катарстофа, луѓето нема каде да одат“ – Израел го напаѓа Рафа, последното прибежиште за Палестинците

Катерина Ѓуровски

Америка ја прекина испораката на бомби во Израел

ВИДЕО: Израел презеде контрола над преминот Рафа