Белорусија не ги пушта од притвор уапсените вработени во затворениот портал „Тут“

Од:

Десеттемина вработени во белорускиот портал „Тут“, чија работа властите ја забранија, ќе останат во притвор, соопшти денеска Белоруското здружение на новинари.

Тројца новинари и седум менаџери на порталот синоќа беа уапсени во Минск и ниту еден од нив досега немал контакт со адвокат, а нивниот правен статус е непознат.

Белоруските власти вчера ја забранија работата на „Тут“ и извршија претреси во редакцијата и во домовите на неколку вработени.

Според белоруските власти порталот го прекршил Законот за медиуми со тоа што објавил содржина во име на Фондација која помага на жртвите на политичка репресија, но не била регистрирана. „Тут“ е обвинет и за затајување на данок и е покрената кривична истрага против неговите раководители, кои ако бидат осудени можат да добијат и до седум години затвор.

Белоруското здружение на новинари тврди дека со забраната за работа на „Тут“ милиони Белоруси ќе немаат пристап до објективни информации и оти власта ќе ја зголеми репресијата врз новинарите кои се спротивставуваат на државната пропаганда.

Белоруската власт предводена од претседателот Александар Лукашенко почна пресметка со неистомислениците откако избија масовни антивладини протести ширум земјата по претседателските избори што се одржаа на 9 август 2020 година. Демонстрантите бараа поништување на изборните резултати, според кои Лукашенко доби над 80 проценти од гласовите. Поради учество во демонстрациите упасени се над 34.000 луѓе, меѓу кои и новинари кои известуваа од протестите. Повеќе од 20 медиумски работници чекаат судење или издржуваат казна.

Би можело да ве интересира

Јурова бара деблокирање на средствата за словенечката новинска агенција СТА

А1он

Европратеници пристигнуваат во Бугарија поради слободата на медиумите и корупцијата

А1он

ОН: Ужасни услови за мигрантите на границата меѓу Полска и Белорусија

А1он

ВИДЕО: Белоруската опозициска лидерка Марија Колесникова осудена на 11 години затвор

Полска прогласи вонредна состојба на границата со Белорусија

А1он

Лукашенко: Русија ќе ни испрати авиони, хеликоптери, противвоздушни системи

А1он