Британски „Мирор“ пренесе дека една од најбараните теорористи на светот Британката Саманта Левтхвајт(30), позната како „Бела вдовица“, е вклучена во пропагандна кампања која има за цел да го зголеми бројот на исламистичките борци во ИСИС.
Саманта која по преминување во ислам го доби името Шерафиах, веќе три години ја бараат британски, американски и кенијски сили за безбедност.
Таа е осомничена за учество во масакрот кој се случи минатата година во трговскиот центар во Најроби.
Саманта е ќерка на поранешен британски војник и активно е вклучена во работата на исламистичката заедница, која на север на Сирија и Ирак дејствува под името Исламска држава.
Се претпоствува дека токму таа е дел од медиумската кампања во рамките на која се објавени видео записите од егзекуциите на двајцата американски новинари и британскиот хуманитарец Дејвид Хејнс.
Е. Г.