17-годишник со турско потекло е уапсен во Виена поради планирање терористички напад

Од:

Скоро сите австриски медиуми, вклучително и јавниот сервис ОРФ, денеска објавија дека 17-годишен Австриец со турско потекло е уапсен под сомнение дека бил член на терористичка група и планирал терористички напад во Виена.

Активностите на момчето долго време беа следени од Канцеларијата за заштита на Уставот и борба против тероризмот. Така било утврдено дека 17-годишникот изразил конкретни планови за терористички напад во Виена во група за разговор на Интернет. Тој, исто така, сподели слика на која држи борбен нож во едната рака, додека другата е подигнат во знак на поздрав на ИСИЛ. Се наведува и дека тој пред истражителите признал дека го планирал нападот, сметајќи на сопствената смрт. Тој, наводно, навел атентатори од Виена, Берлин и Франција како свој пример.

Со младиот човек, кој живее со своите родители во виенскиот станбен кварт Фаворитен, специјалните полициски единици пронајдоа шаблони за лого на ИСИЛ, борбен нож и разни носачи на податоци. Медиумите јавуваат дека 17-годишникот кој на истражителите им рекол дека е строг исламски верник, бил уапсен во Виена пред пет дена. Станува збор за млад човек кој од раѓање има австриско државјанство.

Би можело да ве интересира

Истанбул: Уапсен е експерт за бомби на ИСИС

Во Виена: Убиена млада мајка по потекло од поранешна Југославија

Војската излегува на улиците во Виена: Австрија го зголеми нивото на закана од тероризам

А1он

Пукање во Виена: Ранети четири лица

Кралски питон долг 1,5 метар е пронајден во близина на паркинг во Виена

(ВИДЕО) Уапсени се тројца нашинци кои војувале за ИСИС во Сирија

Горан Наумовски