Генералниот секретар на Обединетите нации Бан Ки-мун изјави дека целите на ОН за запирање на ширењето на СИДА и преобраќање на трендот на раст на заразите ќе биде постигнат до 2015 година.
Пред Генералното собрание на ОН Бан нагласи дека наспроти значителниот напредок постигнат во таа насока, треба да се вложат повеќе напори во борбата против ширењето на СИДА во реоните, во кои случаите на зараза се најмногу. Тој предупреди дека за тоа се неопходни дополнителни средства.
Бан истакна дека над 56 земји го стабилизирале ширењето на ХИВ/СИДА и го преобратиле трендот на нови зарази. Според него, над половина од заразените од земјите со ниски и средни приходи добиваат соодветна терапија.