Американскиот претседател Џозеф Бајден и кинескиот претседател Си Џинпинг се согласија во саботата дека за употребата на нуклеарно оружје треба да одлучуваат луѓето, а не вештачката интелигенција (ВИ), соопшти денеска Белата куќа.
„Двајцата лидери ја потврдија потребата да се задржи човечката контрола врз одлуката за употреба на нуклеарно оружје“, се вели во соопштението на Белата куќа, пренесува Ројтерс.
Во разговорот меѓу двајцата претседатели беше нагласена потребата внимателно да се разгледаат потенцијалните ризици и разумно и одговорно да се спроведе развојот на технологијата за вештачка интелигенција во воените области.