Во денешното интервју за Фокс њуз, американскиот претседател Доналд Трамп зборуваше за поддршката на САД за Украина во нејзината војна против Руската Федерација. Тој повторно јавно го критикуваше украинскиот претседател Володимир Зеленски, а го испровоцира и поранешниот американски претседател Џозеф Бајден.
NOW – Trump says Ukraine's Zelenskyy "took money out of this country under Biden like candy from a baby."pic.twitter.com/SSPAkRvTpV
— Disclose.tv (@disclosetv) March 9, 2025
„Претседателот на Украина зеде пари од нашата земја под администрацијата на Бајден како бонбони од дете. Тој е паметен и жилав, но ни ги зеде парите. Му беше лесно. Мислам дека не е благодарен“, рече Трамп.
Зборовите на Трамп доаѓаат само неколку дена откако САД ја прекинаа воената и безбедносната разузнавачка помош за Киев.
Претходно, на 28 февруари, во Белата куќа се одржа средба меѓу Трамп и Зеленски, која заврши лошо со жестока расправија и исфрлање на Зеленски од Овалната соба.