100 пациенти, повредени во пожарот во дискотеката во Кочани се лекуваат во болниците во земјава и во странство. Почетната бројка беше 193 пациенти. Според последнитеи нформации кои ги соопшти министерот за здравство Арбен таравари, тројца од повредените се во критична состојба.
Таравари вели дека кај дел од повредените состојбата флуктуира, моменталната ситуација е дека тројца се најкритични.
Надвор од државата се лекуваат 80 пациенти и денеска се враќаат двајца, од Полска и од Белгија. Најави враќање на повеќе пациенти неделава. Оваа недела се очекува враќање на полесните пациенти, тие кое се рехабилитирани комплетно, вели Таравари.
За потешките пациенти на кои ќе им биде потребна рехабилитација, истакна дека има неколку опции „8-ми Септември“ во Ковид центарот, Центарот за рехабилитација во Козле, но има и понуди за подолгорочна рехабилитација надвор од држвата без трошоци од државата.
