Австриските власти може до крајот на годината да воведат бегалски статус со ограничен рок за мигратите, кои доаѓаат од Блискиот Исток, изјави синоќа по владината седница австрискиот вицеканцелар Рајнхолд Митерленер.
Тој истакна дека коалцискиот партнер на неговата Австриска народна партија, Социјалдемократска партија на Австрија, веќе почнала да го разгледува нацрт-законот.
Вицеканцеларот изрази мислење дека документот може да биде доставен во Парламентот уште овој месец и да стапи во сила на 1 декември.
Кон средината на септември, кога Австрија беше погодена од најсилниот бран од сириски бегалци, со ваков предог излезе и австрискиот министер за внатрешни работи Јохана Микел Лајтнер.
Таа изјави дека рокот на времениот статус може да биде поврзан со завршувањето на војната и стабилизирање на ситуацијата во Сирија.
Социјалдемократите исто така изразија подготвеност да ги поддржат таквите законски измени.