Двајцата радио водители кои лажно се претставија во болницата, во која што лежеше војвотката Кејт Мидлтон, нема да бидат обвинети за смртта на медицинската сестра која одговори на нивниот повикот, а подоцна се самоуби.
– По детално проучување на достапните докази, заклучивме дека нема докази коишто би го поддржале обвинението за убиството од небрежност, изјавил британскиот обвинител Малком Мекхафи, кој додал дека другите обвиненија не биле во јавен интерес.
Новинарите од Австралија, Мел Григ и Мајкл Кристиан во декември минатата година се јавиле во лондонската болница „Крал Едвард Седми“, претставувајќи се како кралицата Елизабета втора и принцот Чарлс.
Медицинската сестра Јакинта Салдана поверувала на лажното претставување и го пренасочила телефонскиот повик до лице кое што им кажало доверливи податоци за здравствената состојба на бремената војвотка од Кембриџ, Кејт Мидлтон.
По два дена Салдана беше пронајдена мртва.