Малезиските власти уапсија австралиски политичар на аеродромот во Куала Лумпур и се очекува тој да биде екстрадиран, јави БТА.
Според Канбера случајот е „разочарувачки и изненадувачки“.
Ник Ксенофон во Куала Лумпур пристигнал со цел да разговара со властите и опозицијата за претстојните избори во земјата. Тој е познат како активист за човекови права во Малезија.
Независниот австралиски сенатор претходно упати сериозни критики за изборниот систем за Малезија. Тој е уапсен на меѓународниот аеродром во главниот град Куала Лумпур при пристигнувањето од Мелбурн.
– Тој ме информира дека е депортиран, изјави Амбига Сриневасен, активистка, адвокат и копретседател на груапата за изборни промени „Бери“.
Властите во Малезија се уште не објавија инфорамции околу причините за апсењето на Ксенофон. Според активистката Сриневасен апсењето е извршено врз основа на законот за заштита на безбедноста, бидејќи властите сметата дека тој претставува ризик за безбедноста на државата.