Иран денеска потврди дека делегација на талибанците го посети Техеран и разговарала за напорите за ставање крај на 17-годишната војна во Авганистан.
Портпаролот на Министерството за надворешни работи, Бахрем Газеми, изјави дека делегацијата пристигнала вчера и се состанала со иранскиот заменик-министер за надворешни работи, Абас Аргчи.
Газеми истакна дека двете страни разговарале за безбедносни прашања со цел постигнување мировен процес во Авганистан.
Овие разговори не се први меѓу талибанците и иранските официјални претставници.
Секретарот на Врховниот совет за национална безбедност на Иран, Али Шамхани потврди минатата недела во Кабул дека таквите разговори се одржувале во минатото и ќе продолжат да се одржуваат.