Британско-шведската компанија АстраЗенека соопшти денеска дека ги прегледала податоците од луѓето вакцинирани со нејзината вакцина против Ковид-19 и не утврдила постоење докази за зголемен ризик од згрутчување на крвта.
Во истражувањето биле опфатени 17 милиони луѓe од Европската Унија и од Велика Британија.
„Внимателниот преглед на сите достапни податоци за безбедноста на повеќе од 17 милиони луѓе од Европската Унија и од Велика Британија кои ја примиле вакцината на АстраЗенека не покажа докази за зголемен ризик од белодробна емболија, длабока венска тромбоза или тромбоцитопенија кај било која возрасна категорија, пол или во било која земја“ – стои во соопштенето од комапанијата.