АстраЗенека нема да ги испорача сите договорени вакцини во ЕУ во вториот квартал

Од:

Компанијата АстраЗенека ја известила Европската унија дека ќе достави помалку од 90 милиони дози од вакцината против коронавирус на Унијата во вториот квартал, јавија светските агенции повикувајќи се на неименуван претставник на ЕУ.

Според дипломатот од ЕУ, кој директно учествувал во преговорите со британско-шведскиот производител на лекови, тоа значи дека АстраЗенека ќе испорача помалку од половина од бројот на договорени вакцини на ЕУ во вториот квартал.

Според договорот на АстраЗенека со ЕУ, кој протече во јавност минатата недела, компанијата се обврзала да испорача 180 милиони дози на Унијата во вториот квартал.

Доколку се намалат дозите на вакцините, тоа може да влијае на способноста на ЕУ да ја постигне целта за вакцинирање на 70 проценти од возрасните до лето.

Дипломатот на ЕУ, кој барал да остане анонимен, потврди дека АстраЗенека планира да испорача околу 40 милиони дози во првиот квартал, што е повторно помалку од половина од 90 милиони дози што требаше да ги испорача.

Портпарол на компанијата изјави дека се надеваат оти ќе можат подобро да ги усогласат испораките со авансниот договор за набавка на вакцини.

Претставници на Европската комисија, која ги координира преговорите со производителите на вакцините, одбија да ги коментираат информациите.

Би можело да ве интересира

Јужна Кореја ја продолжува вакцинацијата со „Астра зенека“

ЕУ ќе преговара за набавка на 1,8 милијарди дози анти-ковид вакцини од „втора генерација“

Жарко Настоски

Во Грција се предлага вакцината „АстраЗенека“ да се дава на лица над 30 години

Жарко Настоски

Тедрос: Има „шокантна нерамнотежа“ во распределбата на вакцините низ светот

Жарко Настоски

Вакцинирани над 18.000 граѓани, имунизацијата продолжува со приоритетните групи

Жарко Настоски

Бразилски прволигаш бесплатно ќе ги вакцинира своите навивачи

Жарко Настоски