Сирискиот претседател Башар ал Асад во интервју за турскиот весник „Џумхуриет“ изјави дека би сакал сириските сили да не го собореа турскиот ловец минатиот месец и нагласи дека нема да дозволи тензиите меѓу двете земји да се претворат во отворен конфликт.
„Дознавме дека авионот и припаѓа на Турција, откако беше соборен“, истакна Асад.
Турскиот министер за надворешни работи Ахмет Давутоглу изјави минатиот месец дека турскиот авион Ф-4 е соборен од Сирија во меѓународниот воздушен простор.
Тој посочи дека авионот летал сам, не бил вооружен и извршувал пробен лет за тестирање на турскиот радарски систем.