Бројот на млади Пакистанци кои сакаат земјата да се управува според законите на Исламот е поголем од оние кои се за демократско управување, покажуваат резултатите од истражувањето на Британскиот совет.
Денеска објавениот извештај покажува дека за 38 проценти од Пакистанците меѓу 18 и 29 години шеријатот е најдобриот политички систем за Пакистан. Околу 32 отсто од испитаниците го избрале управувањето на војската, додека поддршка за демократијата дале 29 проценти.
Помалку од една четвртина од младите Пакистанци сметаат дека тие или нивните семејства имаат добивки од демократијата. Резултатите од истражувањето доаѓаат непосредно пред парламентарните избори во Пакистан закажани на 11 мај.